fbpx
Ռենա Ռեստորանային Համալիր

7 Խորհուրդ հմուտ խոհարարներից

H. A.

31.05.2017

Յուրաքանչյուր խոհարար կամ տնային տնտեսուհի ունի իր գաղտնիքները, որոնք օգտագործում է ճաշ պատրաստելիս: Ու հենց այս գաղտնիքիների շնորհիվ էլ յուրաքանչյուրի պատրաստած ուտելիքը ունենում է ուրույն համ:

Կան մի քանի խորհուրդներ, որոնք տալիս են հմուտ խոհարարները: Հետաքրքիր է, որոնց մասին գիտեիք դուք?

Մի քանի պարզ խորհուրդ ինչ ՉԻ կարելի անել:

Մակարոնը չպահել սառը ջրի տակ

Իտալացիները իսկապես կզարմանան, երբ իմանան, որ շատերս մակարոնը եփելուց հետո պահում ենք սառը ջրի տակ: Ասում են, սառը ջուրը նպաստում է, որ մակարոնները իրար չկպչեն, սակայն իտալացիները գիտեն, որ սառը ջուրը մաքրում է նաև մակարոնի վրայի կրախմալը: Կրախմալը նպաստում է, որ սոուսը լավ ներծծվի:
Հաշվի առնելով, որ մակարոնը համարվում է իտալացիների ազգային ուտեստը, կարող ենք Նաև հետևել նրանց խորհուրդին:

 

Չեփել լոլիկը մնացած բանջարեղենների հետ

Սկսնակ խոհարարների հիմնական սխալներց է՝ եփել լոլիկը կարտոֆիլի, գազարի կամ այլ բանջարեղենների հետ:  Լոլիկի թթվայնությունը դանդաղեցնում է բանջարեղենի խաշվելը, այսինքն կերակուր պատրաստելը ավելի երկար ժամանակ է տևում: Հենց այս պատճռով էլ քացախն ավելացնում են արդեն պատրաստի ուտելիքին:

 

Ճաշին, եփելու ժամանակ, աղ չավելացնել  

Ճաշին պետք է աղ ավելացնել, երբ այն արդեն պատրաստ է: Եթե պատրաստելու ընթացքում աղ անեք, հավանական է, որ ճաշը կլինի աղի, քանի որ եռալու ընթացքում ճաշի ջուրը պակասում է:

 

Օգտագործել չափիչ շատ կամ քիչ համեմունքներ


Շատերը կարծում են, որ եթե ուտելիքին խառնեն բազմազան համեմունքներ, ապա ուտելիքը կստացվի ավելի համեղ: Սա, բնականաբար, թյուր կարծիք է, քանի որ համեմունքների շատ քանակության դեպքում չի զգացվում ուտելիքի իրական համը: Նմանապես, չափից քիչ քանակությամբ համեմունքն օգտագործելն է վատ, քանի որ ուտելիքը չի ստանում իրական համը: Յուրաքանչյուր ուտելիքի մեջ, պետք է ավելացնել ճիշտ ընտրված համեմունքներ և  ճիշտ քանակությամբ:

 

Պետք չէ  խմորային ուտելիքները եփել քիչ ջրում


Խմորային ուտելիքները՝ պիլմենին, խինկալին, մակարոնը և այլն,  խորհուրդ չի տրվում եփել քիչ քանակությամբ ջրում, քանի որ այս դեպքում խմորը լավ չի եփվում և խմորները կպնում են միմյանց: Եփուկը  կպչում է նաև ամանի կողքերին և կորցնում իր տեսքը:

 

Խորհուրդ չի տրվում եփել բանջարեղենը երկար ժամանակ


Խորհուրդ չի տրվում  բանջարեղենը եփել երկար ժամանակ, քանի որ այն կորցնում է իր օգտակար վիտամիններն ու համը: Եփելու ամենաարդյունավետ ժամանակը 2 – 5 րոպեն է (կախված բանջարեղենի տեսակից): Խոհարարները խորհուրդ չեն տալիս երկար եփել հատկապես բռոկոլին և նեխուրը:

 

Չօգտագործել շաքարավազ ապուրներ պատրաստելիս


Խոսքը, բնականաբար, չի գնում շաքարավազի այն քանակության մասին, որն օգտագործում ենք մուրաբաներ կամ կոմպոտներ պատրաստելիս: Հմուտ խոհարարները խորհուրդ են տալիս օգտագործել մի պտղունց շաքարավազ տարբեր ապուրների մեջ, հատկապես որոնք ունեն թթվաշ են: Ոչ ոք չի զգա ապուրի քաղցր համը, սակայն բոլորը կնկատեն համային դրական փոփոխություն:
Այս գաղտնիքի  հակառակը նույնպես գործում է: Ավելացրեք մի փոքր աղ քաղցրահամ խմորների մեջ:

 

Հնարավորինս մի կատարեք վերը նշված սխալները և Ձեր պատրաստած ուտելիքներն ավելի համեղ կլինեն:
Եթե Ձեզ դուր եկավ այս նյութը, տարածեք այն  Ձեր ընկերների շրջանում 🙂

Բաժանորդագրվե՛ք մեր նորություններին